Një aksident masiv i ndodhur në Birmingham të Anglisë i ka marrë jetën 6 personave, dhe një tjetër është i plagosur rëndë.
Ngjarja ka ndodhur në orët e para të mëngjesit të sotëm, ku në këtë aksident u përfshinë 6 makina mes tyre edhe një taksi.
Aksidenti i rëndë ndodhi në një nënkalim në Lee Bank Middleway, rreth orës 01:10.
Të 6 personat që humbën jetën në vendin e ngjarjes, përfshijnë shoferin e taksisë dhe dy pasagjerët e tij, një burrë dhe një grua, së bashku me 3 burra të cilët përfunduan jashtë një makine në momentin e përplasjes.
Autoritetet e West Midlands kanë nisur hetimet për këtë ngjarje të rëndë. Nga ana tjetër identiteti i viktimave nuk është bërë ende i ditur.
