Ish-kryeministri Sali Berisha ka publikuar në profilin e tij në Facebook dy foto për të cilat thotë se tregojnë personin e identifikuar si Dritan Hardhia.
Hardhia është polici i fotografuar me kreun e Bashkisë Erion Veliajn, të cilin kryebashkiaku tha disa javë më parë se ishte dhunuar nga protestuesit te Liqeni.
“Kryebanditi i Erion Velisë, për të cilin mediat informuan se është arrestuar në vitin 2004 për rrëmbim me armë”, shkruan Berisha në statusin e tij.
Ndërkaq, aktivistët që protestojnë për ndërtimin tek Liqeni, të njëjtin person e akuzojnë se ka përdorur dhunë mbi protestuesit.
“Ky është polici bashkiak që genjeu duke bere sikur ju ngul ne gjoks nje lopate e fshehur nen mengen e xhupit te zi te nje protestuesi. Ky eshte polici bashkiak i veshur me rroba sportive te kuqe, qe dje shqeu cadren ne te cilen mbaheshin batanijet e qendrestareve per tu mbrojtur nga shiu. Ky sebashku me koleget e tjere jasht turnit gotiten me shkelm brinjeve aktivisten e cila perfundoi me ambulance ne spitalin ushtarak”
