Personi që shihni në foto është 50-vjeçari Arben Bilali. Ai u ekzekutua sot me breshëri automatiku në zonën e Selitës në Tiranë, jo larg banesës së tij. Bilali, ish-efektiv policie u qëllua me automatik nga dy persona që lëviznin në një “Benz” të zi, të cilët dyshohet se janë vrasës me pagesë.
Familja e tij ishte prej kohësh në hasmëri dhe atij i janë vrarë më parë dy vëllezërit Bujari dhe Leonardi, përkatësisht në vitin 1998 dhe 2010. Ndërsa 50 vjeçari i kishte shpëtuar atentatit të parë në 2010.
Policia ka shoqëruar disa persona dhe po punon për kapjen e autorëve të krimit. Gjithashtu janë sekuestruar kamerat e sigurise se një sërë biznesesh. E gjithë kjo çështje dyshohet se është një histori hakmarrje e nisur prej 20 vitesh. Shqiptarja.com raporton se familja Bilali është në konflikt me familjen Xhabafti që banon në të njëjtën zonë. /Ri-De
