Mëngjesin e sotëm ka nisur aksioni për shembjen e shtëpive pranë urës së Shkozës në periferi të Tiranës. Edhe pse banorët protestuan kundër shembjes së 153 shtëpive, disa prej tyre të ndërtuara që në vitet ’80, fadromat nuk u ndalën…
Siç shihet edhe në foto e video, forca të shumta policie dhe të ndërhyrjes së shpejtë janë në ndihmë të punonjësve të IKMT që po shembin shtëpitë. Policë të armatosur me automatikë dhe të veshur me antiplumbë, policisë të tjerë që janë bërë gardh përpara objekteve që do shemben shihen në pamjet që transmetoi News.24. Gjatë aksionit pati dhe një incident, ku një grua tentoi të thyente shiritin e sigurise ne shenje revolte, por u zbraps nga policia.
Njëri prej banorëve Osman Hysa shprehet:
“Rreth orës 08:oo në befasoi ardhja e policisë. Ishim mbledhur 30-40 njerëz se kishim informacion se do të na sulmonin. Qindra forca policie të ndërhyrjes së shpejtë na urdhëruan të futemi brenda.
Nuk na ka thënë njeri merrni masa, të hiqnim plaçkat. Erdhën papritur! Që nga dita e protestës (e premte) kemi takuar vetëm deputeten Elona Gjebrea. Ajo na vuri në gjumë na dha nuk do të ndodhë asgjë. Dhe ja ku jemi sot me qindra policisë që na ruajnë a thua se ne jemi 1 milionë vetë të armatosur…. Policia nuk na lejon të dalim nga banesat. Të gjitha hyrjet që të çojnë në rrugicën ku kanë nisur shembjet janë të bllokuara me policë. Në total janë 153 objekte që do shemben siç na kanë thënë gojarisht se ne nuk kemi marrë asnjë shkresë nga institucionet. /Opinion.al
