Të rinjtë e Lëvizjes Socialiste për Integrim kanë festuar mbrëmë nën tingujt e muzikës shqiptare ardhjen e Krishtlindjes dhe Vitit të Ri. Në një megafestë që u organizua tek “2AFilm” në Kinostudio morën pjesë afro 2000 vetë të ardhur nga gjithë Shqipëria. Po kështu morën pjesë edhe gazetarë e politikanë.
Në këtë festë nuk ka munguar as kreu i kësaj partie, Ilir Meta i cili u ka uruar të gjithë pjesëmarrësve një vit sa më të mbarë.
Të veshur si babagjyshë por edhe veshje me motive kombëtare të rinjtë janë argëtuar nën ritmet e muzikës tonë shqiptare. Ajo që ra në sy ishte Era, vajza e cciftit Ilir Meta dhe Monika Kryemadhi e cila interpretoi një këngë të Dua Lipës.
