Përditësuar/Sipas informacioneve të para nga MPB gjatë protestave janë arrestuar 12 persona ndërsa një është lënduar.
Ky është bilanci i parë nga protesta e sotme, ku është demoluar zyra popullore e Presidencës dhe Ministrisë së Drejtësisë.
…….
Eskalon protesta, i vihet flaka zyrës së Ivanovit
Ka eskaluar protesta. Disa protestues kanë demoluar zyrat e presidentit Ivanov. Protestuesit kanë thyer xhamat, janë futur brenda zyrave dhe kanë demoluar të njëjtat.
Ndërkohë që kanë tentuar të demolojnë edhe objektin e Ministrisë së drejtësisë, por janë penguar nga forcat policore, të cilat raportohet se kanë përdorur edhe dhunën për t’i zbrapsur protestuesit.
………..
Shkup – Protestuesit shpërthyen kordonin policor dhe u nisën drejt Parlamentit (Video/Foto)
Mijëra qytetarë të cilët dogjën fotografitë e presidentit maqedonas Gjorge Ivanov para zyrës së tij për lidhje me qytetarët në qendër të Shkupit (te “Rekordi”), e shpërthyen kordonin policor dhe shkuan drejt Parlamentit.
Atje ata hasën në një kordon tjetër policësh.
Qendra e Shkupit vlon nga policët, të cilët janë nxjerrë për të parandaluar përballjen direkte të protestuesve dhe kundërprotestuesve të organizuar nga VMRO-DPMNE-ja në pushtet.
Mbi dy mijë qytetarë janë mbledhur në protestë kundër qëllimit të qeverisë së VMRO-DPMNE-së për mbylljen e PSP-së dhe abolimin e kriminelëve nga radhët e pushtetit.
Ata para zyrës së Ivanovit janë edhe duke brohoritur parulla, si “shet mafioz!” e të ngjashme, ndërsa edhe kanë djegur fotografitë e presidentit./Indeksonline
