Kryeministri Edi Rama ndodhet në SHBA në në vizitë zyrtare atje, ku takohet me personalitete të larta. Lideri shqiptar duket se nuk është pritur mirë nga të gjithë, pasi ndërsa hynte në Muzeun Hebre, ku u zhvillua dje ceremonia e takimit të tij me diasporën shqiptare në SHBA, jashtë ishin grumbulluar disa protestues.
Siç shkruan “dritare.net”, që citon gazetaren Kozeta Turishta, në fillim të aktivitetit, ajo që ra në sy ishte një grup ambientalistësh shqiptarë dhe amerikanë, të cilët e kishin menduar ndryshe pritjen e Kryministrit të Shqipërisë, duke protestuar me pankarta ne duar “EDI RAMA NO HYDROPOWER IN VALBONA”.
Të pyetur nga dritare.net, ata u shprehën kundër projektit të ndërtimit të hidrocentraleve përgjatë rrjedhës së Lumit të Valbonës në Tropojë.
Aktivistët amerikanë që morën pjesë në këtë protestë, nuk ishin shumë, por ata janë ambientalistë të profilit të lartë dhe të njohur në Nju Jork për për mbrojtjen e klimës dhe mjedisit në SHBA, shkruan “dritare.net”.
http://www.dailymotion.com/video/x43uzmk_rama-pritet-me-protesa-ne-nju-jork_news
