Çudirat në Shqipëri nuk kanë fund. Një baba ka marrë guximin të vendosë fëmijën në timon teksa udhëtonte me familjen drejt Razmës në Shkodër. Makina është përplasur me një hotel dhe të plagosur kanë mbetur gjithë pjestarët e familjes që udhëtonin në mjet. Aksidenti ka ndodhur pasditen e djeshme.
Dëshmitarë në vendngjarje tregojnë për Ora News se drejtuesi i mjetit kishte marrë fëmijën para, duke e lënë për të mbajtur timonin. Por, për shkak të pjerrësisë së rrugës, automjeti ka humbur kontrollin duke u përplasur me një hotel në Razëm.
Si pasojë kanë mbetur të plagosur drejtuesi dhe pasagjerja e cila është në gjendje më të rëndë, por gjithsesi jashtë rrezikut për jetën. Fatmirësisht kanë shpëtuar me dëmtime të lehta tre fëmijët, për të cilët dëshmitarët thanë se janë dy në moshën 8-9 vjeç dhe vajza më e madhe 15 vjece.
Makina është përmbysur automjeti dhe ka bllokuar derën e hotelit. Për shkak se automjeti është përmbysur dhe dyert nuk hapeshin është dashur të thyheshin xhamat e makinës për të shpëtuar të aksidentuarit dhe për ti dërguar në spital ku dhe janë nën kujdesin e mjekëve.
