Janë identifikuar dy të burgosurit shqiptarë, të cilët ditën e djeshme u arratisën nga burgu i Kassavetias në Greqi.
Sipas medias greke, i pari është identifikuar si Romeo Qosja, 41 vjeç nga Cërriku dhe i dyti është Lefter Toçi, 41 vjeç nga Bradasheshi i Elbasanit.
Dy personat janë dënuar për krime të shumta të rënda, si vjedhje, tentativë vrasje, zjarrvënie dhe pjesëmarrje në organizatë kriminale.
Ata ndodheshin në burgun e Kassavetias prej vitit 2019 dhe mbaheshin në një zonë të parrethuar për shkak të sjelljes së mirë. Ata rezultojnë të kenë marrë 5 leje gjatë vitit 2024.
Dy të dënuarve iu ishte dhënë një pushim pesë-ditor, një praktikë për të burgosurit që demonstrojnë sjellje të mirë. Të kthyer nga leja pak ditë më parë, duket se kanë përfituar për të organizuar dhe ekzekutuar arratisjen e tyre.
Zhdukja e tyre është vënë re në orën 21:00 të së enjtes mbrëma, duke nxitur mobilizimin e menjëhershëm të policisë.
Në hetim janë përfshirë forcat speciale të Policisë dhe ekipet e zbulimit./Opinion.al
