Forcat speciale sekrete të SHBA-së në Irak, lavdëruar nga komandot ushtarake për rolin e tyre kundër forcave ekstremiste, kanë torturuar dhe ekzekutuar civilë në Mosul.
Ata janë xhiruar dhe fotografuar nga forcat speciale në video sekrete.
Videot alarmante u publikuan nga një fotoreporter, Ali Arkady, i cili kaloi muaj i përfshirë në luftime me trupat e elitës irakene. “Kjo po ndodh gjatë gjithë kohës”,-tha Arkady.
Që nga publikimi i tyre ai flet për “ABC News”, se ka marrë kërcënime me vdekje edhe nga ushtarakë të cillët dikur i kishte konsideruar miq. Ai tashmë është larguar nga Iraku dhe po kërkon azil në Evropë.
Arkady gjatë hulumtimit të tij kishte planifikuar të prodhonte një histori pozitive në lidhje me Divizionin e Reagimit të Emergjencave të Ministris së brendshme të Irakut, duke dokumentuar sesi ushtarët sekretë bashkëpunonin me ata irakenë kundër ISIS.
Por pasi ata kishin krijuar besim tek ai, i kishin dhënë video me komponent torturues.
“Videot nuk dukeshin të kishin objektiv ushtarak. Civilët iraken torturoheshin për tu provokuar, për t’u rrëfyer. Këto arrestime ata i kanë quajtur “ekzekutime në terren”.
Asnjëri prej forcave speciale nuk del si ushtar amerikan, por si përkthyes për ushtrinë amerikane. Ata i torturojnë civilët iraken ndonëse e dinë se ata janë të pafajshëm”, – shprehet Arkady në një intervistë për ABC News.
Forcat speciale e kanë mohuar këtë veprim, por verifikimet për këtë ngjarje kanë nisur.
“Kjo është një vrasje. Duhet të ketë ndëshkim për këdo që e bën atë. Është e qortueshme dhe nuk duhet të lejohet në asnjë fushë beteje moderne “,- tha gjenerali Green Beret për ABC News /Opinion.al
