Një shpërthim i fuqishëm ka ndodhur mbrëmjen e sotme në orën 20:40 në Burrel. Një sasi e konsiderueshme tritoli u vendos në magazinën e miellit në pronësi të biznesmenit M.S. 55 vjeç.
Nga shpërthimi ka vetëm dëme materiale dhe jo në njerëz.
“Menjëherë ka shkuar grupi hetimor në vendngjarje ku ka konstatuar se në pjesën ballore të një magazine të tregëtimit të miellit në pronësi të shtetasit M.S, rreth 55 vjeç, banues në Burrel, ka ndodhur një shpërthim i dyshuar me lëndë plasëse”, bën të ditur policia.
Nga shpërthimi është dëmtuar pjesërisht grila prej llamarine e derës që hyn në magazinë si dhe një pjesë e vogël e faqes së murit në krah të derës.
Policia ka ngritur pika kontrolli në hyrje dhe në dalje të qytetit si dhe ka shoqëruar disa shtetas për tu marrë në pyetje në lidhje me ngjarjen.
