Situata me radhët e gjata në pikën kufitare në Kakavijë është rënduar edhe më shumë pas një aksidenti tragjik të ndodhur sot.
Në momentin që një autoambulancë që po transportonte një shtetase të sëmurë për në spitalin rajonal Gjirokastër, ka përplasur, një fëmijë duke i shkaktuar vdekjen.
Fëmija ishte në radhë me familjen duket pritur për të kaluar në Greqi. Sipas njoftimit zyrtar ai ishte 10 vjeç.
Si pasojë e radhës së gjatë, ritmeve të ngadalëta të lëvizjes së mjeteve dhe temperaturave të larta, qytetarët presin jashtë automjeteve të tyre deri kur t’u vijë radha. Këto rethana janë bërë fatale ditën e sotme për të miturin.
Drejtuesi i ambulancës është shoqëruar për në ambientet e Komisariatit të Policisë Gjirokastër, ndërsa shtetasja e sëmurë është transportuar me makinë policie drejt spitalit rajonal Gjirokastër. /Opinion.al
