Tifozët shqiptar pothuajse prej 24 orësh kanë veshur “kuqezi” qytetin e Marsejës ku dhe do të luhet ndeshja mes Francës dhe Shqipërisë. Na ndajnë vetëm pak orë nga fishkëllima e parë e një sfide për jetë a vdekje për Kombëtaren Shqiptare të Futbollit. Mediat franceze kanë raportuar që në orët e para të ditës, se mijëra tifozë “kuqezi” kanë pushtuar Francën.
Mes tyre është parë tifozë shqiptar të ardhur nga, ana e anës, që nga Australia, Amerika dhe vende të ndryshme të Europës. Entuziasmi për kombëtarën e tyre të zemrës, pavarësisht largësisë, nuk i ka ndalur të mos ndjekin nga afër në shkallët e stadiumit kombëtaren e tyre “kuqezi”.
Marseja përveç ngjyrave kuqezi, tifozëve shembullorë për nga sjellja e tyre, fëmijëve dhe vajzave të bukura shqiptare, nuk ka lënë pa parë edhe disa detaje të tjera, jo më pak të rëndësishme.
Tifoklubi, Plisat e Prishtinës, Ballistët, tifozët Kuqezi dhe shumë grupe të tjerë tifozësh kanë mësyer në Francë që në orët e para të ditës së sotme. Por, kësaj radhe, mes këtij koloriti “kuqezi” kanë spikatur edhe disa djem patriotë nga Mirdita.
