“Mirësevini në Rivierën shqiptare!”, nis kështu një shkrim i botuar në “Telegraph”, i cili ka treguar nëpërmjet disa fotove, pamje të mrekullueshme të bregdetit tonë.
Ky është një reportazh i shkurtër, i përshkruar nga gazetari, Norman Miller. Ndërsa pushuesit mblidhen kudo nëpër vende të botës, bregdeti shqiptar prej 50 miljesh, vazhdon të jetë i pastër, në sajë të dekadave kur Shqipëria ishte në kohën e diktaturës komuniste dhe në kohën kur vendi mburrej me emrin e monarkut, Mbretit Zog.
Megjithatë, Shqipëria ka rrënjë të thella, duke qenë koloni e lashtë greke, Iliria, me qytete të rëndësishme si Apolonia apo Butrinti. Rrënojat e tyre romantike janë një plotësues i mrekullueshëm në qytetet bregdetare si Vlora apo vende të cilat kanë karakteristikë ushqimet speciale të detit, si Saranda.
Butrinti është i rrethuar nga një lagunë në brendësi dhe nga ngushtica me pamje pranë Korfuzit. Një zbavitje e mrekullueshme me aromën e detit, e një rruge bregdetare të mbështetur në kodrat e dendura, me ullishte dhe fshatra mahnitëse, të cilat sigurisht kanë vende për të ngrënë ushqime deti të freskëta, mish të shijshëm të pjekur në zgarë dhe sallatë të thjeshtë, raporton Klan.
Parqet Kombëtare
Laguna e Karavastasë është më i madhi, me një ekosistem të pasur me gjelbërim, të rrethuar nga pylli i Parkut Kombëtar të Divjakës. Ky është një vend fantastik për të kombinuar kënaqësitë bregdetare me turizmin natyror.
Parku Ndërkombëtar i Llogorasë, shënon mrekullisht pikën ndarëse mes Detit Adriatik dhe Detit Jon. Ecni nëpër kodra duke zbritur poshtë dhe do të përjetoni një adrenalinë të paparë.
Plazhet
Dhërmiu është ndoshta plazhi më i njohur në Shqipëri, e cila shtrihet me milje dhe karakterizohet nga uji i thellë blu. Shumë vendas i kalojnë pushimet këtu, duke udhëtuar për një kohë të shkurtër në plazhin e Drimadhasit.
Ksamili
Ndodhet pranë historisë së mrekullueshme të Butrintin, i vlerësuar si Trashëgimi Botërore dhe i mbrojtur nga UNESCO. Kjo është një përzierje e përsosur e plazhit dhe kulturës. Nga këtu shijohet edhe pamja e Korfuzit, duke qenë pika më e afërt me Greqinë. Nëse kërkoni një eksperiencë të “nxehtë”, vizitoni dhe tre ishujt aty pranë dhe shijoni gatimet dhe pijet që ofrohen nga lokali përreth.
Borsh
Ky është plazhi më i gjatë dhe i padëmtuar në Shqipëri duke përshkuar katër milje. Ajo vjen si pamje përgjatë rrugës bregdetare në rrugën drejt bregdetit të Borshit. Pavarësisht nga madhësia e tij, prodhimi i vajit të ullirit është specialiteti kryesor i vendit, jo vetëm kaq, shërbimet e ofruara nga lokalet janë shumë tradicionale dhe të shijshme.
