Qershori është muaji kur futbollistët kanë kohë për të pushuar.
Pas një sezoni të gjatë dhe të lodhshëm, vendin e fushës e zënë plazhet.
Kur temperaturat janë duke u rritur ndjeshëm, lojtarët e Superiores kanë nisur “arratisjen”.
Të paktë janë ata që kanë zgjedhur Shqipërinë, pasi pjesa dërrmuese kanë zbarkuar në Turqi, Francë apo Itali.
Bicaj me të fejuarën Reisa
Mbrojtësi i Partizanit, Ditmar Bicaj, me të fejuarën e tij Reisa kanë zgjedhur Belekun për këtë verë. Momentet e tyre të relaksit nuk kanë ngurruar që t’i fiksojnë me këtë foto, ku të dy duken tejet në formë.
Sabjen Lilaj dhe Emiljano Vila kanë harruar rivalitetin për titullin dhe bashkë me të dashurat e tyre po kalojnë disa ditë pushimi në ishullin helen të Santorinit.
Sabien Lilaj dhe Emiljano Vila me të dashurat në San Torini Greqi
Arbnor Fejzullahu “shkrihet” i tëri. Edhe këtë herë, pa drojë shfaq hapur ndjenjën për të Fatlindën e tij. Ata së bashku kanë nisur një tur në Europë dhe nga Zvicra kanë vizituar edhe Milanon.
Arbnor Fejzullahu me të dashurën
Gerhard Progni nuk u ka shpëtuar skenave të ëmbla mes puthjeve në Paris me Arizanën e tij. Ky çast me kullën “Eiffel” në sfond do të mbetet gjatë në memorien e tyre.
Gerhard Progni me të dashurën
Ylli Shameti ka “rrëmbyer” bashkëshorten e tij Elda për t’u qetësuar në plazhet e Selanikut, në Halkidi konkretisht.
Ylli Shameti me gruan
Në Greqi, edhe qendërmbrojtësi tjetër i Kukësit, Renato Malota. Sikundër duket edhe në këtë fotografi , dashurinë e tij me Gladiolën lezhjani ka dashur ta fi ksojë edhe te “Kanali i Dashurisë”.
Renato Malota me të dashurën
Mesfushori brazilian i Partizanit, Felipe Gomes, dhe e dashura e tij Fernanda kanë zgjedhur Italinë, ndërsa argjentinasi Torasa ka menduar që bashkë me miqtë të shijojë akulloren në këtë periudhë të nxehtë vere.
Felipe Gomes me të dashurën
Ditë qetësie pranë familjes po kalon edhe Nevil Dede.
Ai është zhvendosur në Sarandë, por duket qartë se nuk i ndahet shpirti nga futbolli dhe Tirana dhe kjo kuptohet nga gazeta që ka në duar. Teksa ka qenë duke lexuar artikullin për Elis Bakajn, bashkëshortja i ka shkëputur disi vëmendjen për të fi ksuar këtë foto.
Me “Panorama Sport” në duar janë edhe Edon Hasani, Eni Imami, Florind Bardulla dhe Ansi Nika, të cilët, edhe pse me pushime të shkurtra, janë kureshtarë të lexojnë lajmet e ditës. Djemtë fundjavën e kanë kaluar në Dhërmi, ndërsa Hasani me vete ka marrë edhe qenushin e tij. Pas fi timit të trofeut të Kupës, shkodranit i lejohet edhe një puro…
Erjon Vucaj dhe Arsid Kruja ashtu si patrioti i tyre shfaqin hapur dashurinë për kafshët, të cilët, duke ecur me makinë, fi ksojnë edhe një foto, që e kanë shpërndarë në “Instagram”.
Edhe për djemtë e Kombëtares shqiptare ka pak kohë për relaks para nisjes së Europianit. Fundjava ka qenë pushim, ndaj dy kavajasit Sokol Cikalleshi dhe Andi Lila janë “shkëputur” nga grumbullimi për të qëndruar me Kornelian dhe Ornelën. Ndoshta ky takim para Francës mund të jetë një ogur i mirë për kuqezinjtë tanë…
