Çfarë po ndodh me Skënderbeun? Ose më saktë, çfarë po ndodh me UEFA-n? Pse FSHF hesht, pse nuk ka asnjë lajmërim zyrtar? Pse informimi i vetëm ka ardhur nga zyrat e klubit kampion të Shqipërisë?
Kontaktuam sërish FSHF-në dhe, një nga zyrtarët që na u përgjigj, pasi të gjithë janë në Francë, shpjegoi se “nuk mund të sqarojmë asgjë,pasi UEFA duhet të na nisë një email zyrtar, gjë që nuk e ka bërë”.
Por, ditë më parë, u shfaq email që ka shkuar në zyrën e skuadrës korçare, pra përjashtimi nga Europa për një vit, një vendim që i përkiste majit dhe 4 orë përpara ndeshjes Skënderbeu-Partizani. Sërish klubi kampion ishte ai që informoi në gjithë këtë “errësirë” të turpshme.
