Mbrëmjen e djeshme personazhe të njohura dhe pjesë e stafit të Top Channel kanë festuar 15 vjetorin e krijimit të televizionit.
Kryefjala e mbrëmjen padyshim që ka qenë trashëgimtarja e Top Media, Lori Hoxha. Ajo kishte zgjedhur një fustan të shkurtër me viza të kuqe dhe blu. Duhet të pranojmë se Lori dukej tepër elegante.
Ajo ishte e shoqëruar nga mamaja e saj, Vjollca Hoxha si dhe nga vëllai i vogël, Itan, shkruan opinion.al.
Por cilët ishin ata që nuk mundën ose nuk preferuar të shkonin në përvjetorin e 15-të të Topit? Kot nuk e ka thënë Ledri “mungesa ime vihet re më shumë se prezenca jote…”
Fillojmë nga çifti Sara-Ledion.
Natyrisht Sara Hoxha nuk mund të ishte e pranishme pasi vetëm pak ditë më parë ka sjell në jetë djalin London Noor Liço. Mungesës së saj i është bashkuar edhe Ledioni i cili mesa duket ka zgjedhur ti qëndroi afër familjes së tij në këto ditë sa të bukura edhe të vështira.
Nga çifti kalojmë në një dyshe tjetër, atë të motrave Vjollca.
Ndonëse të dyja ato kanë shpërndarë në Instagram urimin për përvjetorin e TCH, ato nuk mundën të ishin të pranishme. Po në profilet e tyre në Instagram dy bukuroshet kanë postuar foto nga Londra. Deri diku e justifikuar mungesa e tyre…
Nga motrat Vjollca kalojmë në një dyshe tjetër, të cilën megjithëse nuk e lidh gjaku duket se janë shumë të afërta.
Bëhet fjalë për prezantuesen e Portokalli, Xhemi Shehun dhe Arbana Osmani e cila aktualisht po prezanton formatin “Dua të të bëj të lumtur”.
Sipas burimeve tona asnjë prej tyre ishte e pranishme në festë, megjithatë Arbana ka zgjedhur të uroj “shtëpinë e saj të dytë” me një foto të para 15 vitesh kur është hapur media televizive. Ndërsa Xhemi, të paktën në rrjete sociale feston 13 vjetorin e saj pranë TCH. /përgatiti opinion.al
