Detaje të tjera dalin mbi rrethanat e aksidenit të rëndë që i mori jetën një efektivi të policisë në Kamëz.
Fillimisht u raportua se një automjet ishte përplasur me një patrullë policie, por në fakt rezulton se një mjet ka goditur nga prapa një furgon policie.
Më pas ky i fundit ka goditur një automjet të parkuar. Siç duket edhe nga foto, automjeti që shkaktoi aksidentin, i tipit “Lexus” është përmbysur si pasojë e përplasjes së fortë me furgonin e policisë.
Dëshmitarë në zonë thonë se dy nga tre policët kanë qenë duke ecur në këmbë në momentin e përplasjes. Por pritet të sqarohet nëse efektivët kanë qënë brenda automjetit, apo në këmbë siç thonë dëshmitarët.
Efektivi E.Haxhiaj, 42 vjeç, ka ndërruar jetë gjatë rrugës për në spital, ndësa të plagosur mbetën B.Voi dhe N.Hoxha.
Në spital ndodhet edhe drejtuesi i mjetit tip “Lexus” cili ka përplasur furgonin e policisë.
Arnold Kola, 22 vjeç, i cili dyshohet si shkaktari i këtij aksidenti drejtonte një autmojet tip “Lexus” me targa TR 8788 T, që është përmbysur në rrugë sipasojë e përplasjes së fortë.
E lidhur:
Aksidenti në Kamëz, ndërron jetë efektivi i policisë
