Samsung ka ndryshuar pak dizajnin e S7, tani ai është më i rehatshëm për ta mbajtur, më i lehtë për ta kapur nga tavolina, dhe ka një skaner më të rrafshët të shenjave të gishtit dhe sigurisht kamerë më të mirë.
Modeli standard i S7 ka një ekran 5.1 inç quad HD Super AMOLED, kurse S7 Edge është pak më i madh, saktësisht 5.5 inç.
Pjesa prapa e celularit tani është më pak e lakuar, që e bënë më të rehatshëm celularin për ta mbajtur në dorë se sa modeli i vitit të kaluar.
Që të dy celularët kanë karta mikroSD dhe janë gjithashtu rezistent ndaj ujit dhe pluhurit. Linja e S7 është e fuqizuar me një procesor Qualcomm Snapdragon 820 dhe RAM-i i tyre tani është 4GB.
Kapaciteti i baterisë së celularëve tani është 3,000mAh për S7 dhe 3,600mAh për S7 Edge. Ndoshta ndryshimi më i dukshëm këtë vit në S7 është kamera 12MP.
