Sikur të mos mjaftonin problemet që aktorja po kalon kohët e fundit, tani duket se i është shtuar një tjetër.
Bëhet fjalë për nënën biologjike të vajzës së adoptuar të Angelina Jolie, Zaharas, e cila i ka kërkuar aktores që ta lejojë të rilidhet me vajzën e saj të vogël.
Jolie e kishte adoptuar Zaharan në qershor të vitit 2005-së, kur vajza nga Etiopia ishte vetëm pesë muajsh.
Gjyshja e Zaharas, kishte deklaruar në dokumentet e procedurës së adoptimit, se nëna e saj kishte vdekur nga AIDS-i, mirëpo tani ajo është shfaqur e gjallë dhe kërkon që të ketë kontakt me vajzën.
Gruaja me emrin Mentewab Dawid Lesbio, ka thënë se vajza e saj ishte shumë me fat që u bë pjesë e familjes së famshme.
Ndërsa, aktorja nuk i është përgjigjur Lesbios, e cila po përpiqet ta shohë Zaharan e cila tani është 12-të vjeçare.
“Vetëm dua që ajo ta dijë se jam gjallë dhe dua të flas me të. Nuk dua ta rikthej vajzën por vetëm ta shoh dhe të flas me të”, ka thënë Lesbios për Daily Mail.
