Hamdi Salihi nuk ka marrë ftesë nga trajneri Gianni de Biassi për dy ndeshjet e radhës kualifikuese për botërorin ‘Rusia 2018’.
Sulmuesi i Skënderbeut ka shënuar 11 gola me fanellën kuqezi dhe nuk është ftuar, pasi para tij u preferua Edgar Çani. Megjithatë, ditën e sotme shkodrani duket i gëzuar në prag të ndeshjes me Spanjën, teksa ka lënë një postim në profilin e tij në ‘Facebook’.
“Sot Shkodra në festë, Shqipnia luan një ndeshje të madhe në stadiumin tem. Forca Shqipëria”, ka shkruar Salihi në ‘Facebook’. 32-vjeçari shkodran shpreson që një ditë të marrë një ftesë nga De Biasi për të luajtur në stadiumin e ri në qytetit e tij të lindjes.
