Ditën e sotme, Sekretari i Përgjithshëm i Partisë Socialiste, njëherësh kryetari i Grupit Parlamentar të Partisë Socialiste, kishte lajmëruar se do të zhvillonte një konferencë për shtyp me gazetërët në orën 13:00. Konferenca do të mbahej për akuzat që kryedemokrati Basha, kishte lëshuar në adresë të tij, për automjetin Toyota Yaris që u kap në Durrës, dhe miliona euro që u gjendën në të. Por kjo konferencë nuk u mbajt, dhe ishte vetë Balla ai që e anulloi.
Fillimisht e bëri publik ëtë fakt, nën kryetari i PD-së Edi Paloka, me anë të një statusi ku akuzonte Ballën, për qëndrimin e heshtur që ai po mban në lidhje me çështjen në fjalë. Mesa duket deklarata e Palokës rezultoi e vërtetë, pasi jo vetëm që konferenca nuk u zhvillua në atë orar, por edhe në mesazhet në grupin e Whatsapp të gazetarëve të selisë rozë, lajmërohet kjo gjë.
Në reagimin e tij nuk pati asnjë sqarim përveç akuzave drejtuar kryedemokratit Basha, të cilin e quajti “Babale” e ata që e besonin, mjeranë. Ndërkohë që askush nuk e di arsyen e anulimit të konferencës, ku të shumtë besojmë do kenë qënë gazetarët e interesuar të dinë e mësojnë diçka më shumë për gjithë sa po ndodh.
