Lista e emrave të kandidatëve për deputet të Partisë Socialiste në të gjithë qarqet e vendit në zgjedhjet e 18 qershorit, publikuar një ditë më parë, ka pasur jo pak surpriza dhe reagime. Por ndër reagimet që tërheqin vëmendje padiskutim janë ato që vijnë nga radhët e PD-së, pasi kjo forcë politike ka deklaruar se me kryeministër Edi Ramën nuk merr pjesë në zgjedhje dhe ende nuk është regjistruar në KQZ.
Përpos këtij fakti, PD ka zgjedhur të publikojë një listë kandidatësh. Në fakt, kjo nuk është një listë me emra kandidatësh, por një listë nga ato që tregojnë gjendjen e vërtetë ekonomike të shqiptarëve.
Kreu i departamentit të politikës së jashtme në PD, Kreshnik Çollaku, ka publikuar në rrjetin social “Facebook” një listë të qytetarëve që blejnë ushqime me borxhe në dyqane.
“Ju tregoj, Listën e Opozitës përballe Rilindjes….për “zgjedhjet” e ardhshme !!!”, shkruan Çollaku.
