Ajo është një nga moderatoret më të njohura e më të dashura në Itali, e si rrjedhojë tërheq vëmendjen e njerëzve edhe atëherë kur nuk do të donte. Privatësia është një çmim që duhet të ‘paguash’ kur bëhet fjalë për famë dhe mijëra e mijëra ndjekës në rrjetet sociale.
Bëhet fjalë për Belen Rodriguez e cila pas divorcit me babain e djalit të saj, ka nisur një lidhje pasionante me pilotin Andrea Iannone. Të dy kanë kaluar fundjavën bashkë për tu relaksuar me idenë se askush nuk po i shihte, por nuk ka qenë kështu.
Paparazët kanë mundur të fotografojnë dyshen në poza vërtet të nxehta afër pishinës dhe nën rrezet e diellit. Çifti i njohur përflitet se po mendon të hedh hapin e madh pasi mediat italiane shkruajnë se ata po kërkojnë një shtëpi të përbashkët.
