Teksa rregullohej në një parukeri në periferi të Elbasanit për ditën më të bukur të jetës, nuses i ndodh hataja. Parukierja i djeg flokët me mashë. Ngjarja është regjistruar në fundjavë edhe është raportuar nga një qytetare në median lokale “infoelbasani”. Dëshmitarja tha se ka plasur sherri mes vajzës që po bëhej nuse dhe parukieres, pasi aksidentalisht kjo e fundit i dogji flokët.
“Kishte shumë radhë atë ditë. Në sallon ishin dy nuse si dhe gra të tjera që po rregulloheshin për dasmë. Filloi të vinte era lesh i djegur dhe nga koka e nuses dilte tym”, tha dëshmitarja. Ajo tha se situata ishte mjaft kritike pasi vajzës iu prish dita më e bukur e jetës.
Ja dhe fotot që tregojnë këtë incident me nusen në Elbasan.
