Harrojeni aktorin Alexander Skarsgard, i cili ka portretizuar Tarzanin dhe përgatituni të njiheni me dy njerëz që kanë jetuar katër dekada në xhungël.
Ho Van Lang, 44-vjeçar dhe babai i tij Ho Van Thanh 85-vjeçar, kanë jetuar për 41 vjet në pyjet e distriktit Tay Tra në provincën Quang Ngai pasi kishin ikur nga lufta e Vietnamit, transmeton Gazeta Express.
Historia e këtyre dy personave tingëllon sikurse të ishte skenar i ndonjë filmi por në fakt është ngjarje e vërtetë, raporton express.
Babë e bir kanë ndërtuar vet shtëpi në pemë, janë veshur me lëkurë të kafshëve dhe kanë gjuajtur minj për ushqim. Ata nuk kanë pasur asnjë kontakt me asnjë person tjetër për katër dekada.
Thanh, veteran i luftës, kishte vendosur që të largohej nga fshati i tij në vitin 1972 dhe me vete kishte marr djalin e tij dy vjeçar Lang, pasi gruaja e tij dhe dy fëmijët e tjerë ishin vrarë nga sulmet ajrore amerikane.
Vetëm në vitin 2013, ata ishin zbuluar në thellësinë e pyjeve nga disa banorë lokalë dhe prej atëherë kanë filluar që të adaptohen me civilizimin. Tash ata jetojnë në një shtëpi afër xhunglës.
Thanh kishte vendosur që të mos i jepte informacione për botën djalit të tij Lang. Edhe pas rikthimit në civilizim, Lang akoma është si një “Tarzan”.
Ai nuk kishte pasur asnjë ide se ekzistojnë femrat dhe akoma nuk ka sens të kohës, nuk mund të dallojnë ditët nga netët.
