Xhirimet e filmit më të fundit të agjentit të njohur 007 kanë nisur. Lajmi është publikuar nga vetë përfaqësuesit e këtij prodhimi, ndërkohë që protagonisti Daniel Craig është fotografuar nga sheshi i xhirimeve.
Ai dukej në formë shumë të mirë teksa aktronte dhe qëndronte me kolegët dhe bashkëpunëtorët e tjerë të këtij prodhimi kinematografik. Vendi i parë i xhirimeve ka qenë Jamaica dhe pritet që të zhvendosen edhe në vende të tjera.
Edhe këtë herë Agjenti 007 do të përballet me një grup kriminelësh që zotërojnë teknologjinë e fundit duke patur shumë skena interesante aksioni dhe jo vetëm. Në rolin e armikut të James Bond këtë herë do të jetë aktori Rami Malek./Opinion.al/
