Një akullnajë, në Zvicër, gjatë shkrirjes së saj, ka zbuluar dy trupa njerëzish të zhdukur 75 vite parë.
Policia lokale tha se trupat u zbuluan javën e kaluar në akullnajë Tsanfleuron, nga një punonjës i kompanisë së skive. Punonjësi tha se kishte gjetur objekte si, lojë me birila, shishe qelqi, derisa objektet e çuan tek dy palë këpucë një për meshkujt dhe një për femrat, të cilat ishin të groposura me trupat e dy personave.
Marcelin dhe Francine Dumoulin u zhdukën në një lartësi prej 2,600m, pasi kishin shkuar për t’u kujdesur për lopët e tyre, në alpet e Zvicrës në gusht 1942, shkruan opinion.al
Ata ishin fermerë kishin shtatë fëmijët, të cilët kurrë nuk hoqën dorë nga shpresat për gjetjen e tyre. Brenda dy muajve nga zhdukja e prindërve, fëmijët u strehuan në familje të ndryshme dhe humbën kontaktin me kalimin e viteve.
Vajza e tyre më e re tha: “Tani po planifikoj t’i jap prindërve funeralin që meritojnë. Kemi kaluar gjithë jetën duke kërkuar për ta. Mund të them që pas 75 vjetësh pritje, ky lajm më jep një ndjenjë të thellë të qetësisë, për këtë arsye nuk do vishemi me të zeza por me të bardha. Unë mendoj se e bardha do të ishte më e përshtatshme, sepse përfaqëson shpresën, të cilën kurrë nuk e humbëm.”
Trupat e një numri alpinistësh të zhdukur janë zbuluar në Alpet Zviceriane, gjatë viteve të fundit. Kjo për shkak të rritjes së temperaturave, të cilat kanë sjellë uljen e nivelit të akullnajve. /opinion.al
