Një kuti kartoni e dyshimtë e vendosur në derën e një dyqani për rroba të përdorura ka ngritur në këmbë policinë e Tiranës paraditen e sotme. Aktualisht rruga Petro-Nini ose siç njihet ndryshe rruga e Shkollës së Baletit është e rrethuar nga forca të shumta policie. Aty kanë mbërritur edhe forcat xheniere për të bërë një shpërthim të kontrolluar të pakos së dyshimtë. Ende nuk dihet nëse është një alarm fals i ngritur në bazë të një dyshimi të pronarit apo një eksploziv i vërtetë.
Njoftimi i policise
Më datë 04.10.2017, rreth orës 10:37, jemi njoftuar se në një dyqan rrobash në rrugën “Petro Nini”, pretendohet se është vendosur një pako në dukje si eksploziv.
Në vendngjarje kanë mbërritur shërbimet e policisë , ku nga verifikimet paraprake rezulton se :
Shtetasia B.A., pretendon se në dyqanin e saj të rrobave, në rrugën “Petro Nini”, i kanë vendosur një pako në dukje si eksploziv.
Është rrethuar vendi i ngjarjes dhe është njoftuar njësia antieksploziv.
