Dy policë të qarkullimit rrugor janë dhunuar mbrëmjen e djeshme në krye të detyrës. Ngjarja ka ndodhur në zonën e njohur si Pallati me Shigjeta pak para ndërrimit të viteve, ndërsa dy të rinj të moshësh rreth 20 vjeç, në gjendje të dehur kanë ushtruar dhunë ndaj policëve.
Në vendngjarje ka mbërritur patrulla Shqiponja, që ka vënë në pranga autorët e ngjarjes, ndërkohë që efektivët e policisë janë çuar në spital për ndihmë mjekësore. Në foto, shohim edhe momentin e shoqërimit të të rinjve në furgonin e policisë.
