Një televizion në Britaninë e Madhe ka kryer një eksperiment social mjaft të guximshëm.
Duke menduar se mënyra më e mirë për të marrë ndihmën sociale, është të gjitha njëherësh, ata kanë zgjedhur tre familje për t’i dhënë paratë e një viti.
Plot 26 mijë paund, rreth 34 mijë euro, do t’u jepen tre familjeve të përzgjedhura.
Shfaqja do të transmetohet në 9 shkurt në “Channel 5”.
Siç shihet reagimi i familjarëve ka qenë i tepruar.
Ata festojnë me shampanjë dhe prishin para pa fund.
Kjo temë ka ngjallur shumë diskutime në Britaninë e Madhe, por realizuesit e programit thonë se duan të shohin reagimin e njerëzve kur bien në kontakt me shuma të mëdha.
Kritikët e kanë quajtur “pornografi e varfërisë”/ BotaSot.info
