Policia ka nisur verifikimet pas denoncimit në rrjetet sociale për një lloj çamçakëzi që po qarkullon në shkollat e Tiranës dhe përgjum fëmijët që e konsumojnë.
Raportohet se mësuesja e një shkolle 9-vjeçare në Tiranë ka lajmëruar prindërit e nxënësve të një klase, pasi është identifikuar një substancë që ka formën e një çamçakëzi dhe që përdorej nga disa fëmijë.
Mësuesja ka konstatuar se nga përdorimi i këtij “çamçakëzi” fëmijët pësojnë një gjendje përgjumjeje me sy të hapur dhe është e dëmshme.
Pas denoncimit në rrjete sociale, policia ka nisur menjëherë verifikimet. Ndërkohë edhe gazetari Mentor Kika ka ngritur shqetësimin në rrjetet sociale.
