Kryetari i Partisë Republikane, Fatmir Mediu ka zhvilluar disa takime të rëndësishme në Kongres, SHBA, në lidhje me situatën e rëndë që po kalon Shqipëria, jo vetëm në planin ekonomik, por edhe përdorimin e pushtetit për interesa klienteliste.
Nëpërmjet një njoftimi të shpërndarë për mediat, bëhet me dije, se të gjithë bashkëbiseduesit theksuan se zgjedhjet e lira dhe të ndershme janë kusht dhe detyrim për një demokraci funksionale.
Në njoftim, thuhet: se proceset e manipuluara nga qeveria, vërejtjet e OSBE/ODHIR janë qëndrim edhe i SHBA-ve.
“Ata shprehën shqetësimin për forcën e krimit në Shqipëri, trafikun e drogës dhe sidomos involvimin e qeverisë në kultivimin e marihuanes për qëllime politike”.
Takimet në dhomën e përfaqësuesve u zhvilluan me Kongresmenin Danna Rohrabacher, kryetari për Europën dhe Azinë, një nga kandidaturat e konsideruara për Sekretar Shteti nga Presidenti Trump, si dhe kongresmenët Robert Aderholt, John Rottcklife, David Jolly, Senatorët Jim Inhofe, Tom Cotton dhe Ben Sasse.
“Gjithashtu me Presidnetit e Heritage Foundation Jim DeMint për vazhdimin e projektit për ndërtimin dhe bashkëpunimin me Balkan Heritage and Policy Foundation. Jim DeMint i shprehu kënaqësinë z.Mediu duke e bërë pjesë të Presidnetial Club të Heritage Foundation. Me Presidentin e CNP Bob MCëeen organizata më e fuqishme konservatore. Një takim i veçantë ishte me z.Lee Edëards, Presidenti i Fondacionit për krimet e komunizmit”.
