Fotot e reja të publikuara në mediat e huaja kanë zbuluar brendësinë e trenit të blinduar luksoz të presidentit rus Vladimir Putin.
Imazhet, të publikuara nga Dossier Center, një faqe interneti që gjurmon aktivitetin e atyre që janë të lidhur me Kremlinin, tregojnë një sallon bukurie, suitë mjekësore dhe madje edhe një palestër të kompletuar me pajisje moderne.
Hamami përmban një “dush të zbukuruar” duke përfshirë modalite si “shkumë aromatike” me një çmim prej 3.75 milionë £. Treni do të përmbajë gjithashtu makineri kundër plakjes, një ventilator të mushkërive, një defibrilator dhe një monitor pacienti të krijuar për të vlerësuar pulsin, temperaturën dhe parametra të tjerë.
Qendra Dossier raporton se treni i blinduar ka kushtuar 1.45 miliardë rubla në mirëmbajtje që nga viti 2014.
Mes luftës së Rusisë në Ukrainë, Putin duket se po përdor më shumë trenin.
Dossier Center më parë citoi një burim të paidentifikuar pranë administratës presidenciale, i cili tha se Putin e ka përdorur trenin gjithnjë e më shumë që nga viti 2021 pasi nuk mund të gjurmohet në të njëjtën mënyrë si avionët.
Media ruse Proekt raportoi në shkurt 2023 se stacionet sekrete dhe linja lidhëse ishin ndërtuar në vende të frekuentuara shpesh nga Putin, duke përfshirë Novo Ogaryovo jashtë Moskës në 2015, Soçin në 2017 dhe Valdai në 2019.
Ilya Rozhdestvensky, një gazetar që punon për Qendrën Dossier, më parë u shpreh se kishte një “arsye psikologjike” në lidhje me përdorimin e trenit nga Putin.
Arsyeja psikologjike e përdorimit të këtij treni është se ai është i frikësuar”, tha Rozhdestvensky për CNN në shkurt 2023.
“Ai ka frikë se aeroplani i tij mund të gjurmohet dhe se avioni i tij mund të rrëzohet.”/Opinion.al
