Ministri Damian Gjiknuri deklaron se nuk i njeh Habilajt dhe mohon të ketë lidhje me ta. Reagimi vjen pasi Sali Berisha qartesoi atë që thuhej prej ditësh në rrethin e gazetareve se Gjiknuri është kapur duke drekuar me Habilajt gjatë fushatës elektorale. Por nëpër rreshta Gjiknuri le të kutptuar se edhe nëse ka foto, ato mund të jene te rastesishme.
Statusi i Gjiknurit si pergjigje per Berishen
A mund ta besojë njeri pinokun dixhital, atë që nuk njihte as baxhanakun e tij dhe nuk e dinte as ku i binte Gërdeci?! Habilajt nuk i njoh e as nuk kam patur kurrë marrëdhënie me ta. Fati i keq i shpifësit dixhital që po detyrohet të sajojë e kërkojë lidhje imagjinare mes morisë së fotografive në takimet elektorale me mijëra qytetarë të Qarkut të Vlorës.
Statusi i Berishes per lidhjen e Gjiknurit me Habilajt
Gjiknuri ne tepsi! I filmuar duke i dhene para Habilajt ne fushate per te blere votat!
Lexoni mesazhin e qytetarit dixhital! “Pershendetje Doktor! Gjate fushates elektorale te fundit, Habilajt uleshin per dreka dhe darka me Damian Gjiknuri ne Vlore. Madje Habilajt kane edhe regjistrime duke i ofruar para ne dore D.Gjiknurit. Kane pasur mardhenie te regullt interesash Gjiknurin. Ju uroj shendet. Anonim Ju lutem!”
***
Në një shkrim publikuar sot në Opinion.al, gazetari Blendi Fevziu shkruan: “Në redaksi portalesh kanë qarkulluar fotot të një tjetër ministri të qeverisë në shoqërinë e një njeriu të Habilajve gjatë fushatës në Vlorë. Edhe pse në një drekë disi të gjerë. Qarkullojnë përgjime të një kryetari bashkie të rëndësishëm me eksponentë të njohur të botës së krimit, një dosje që implikon të afërmin e një Ministri, raporti i një shërbimi perëndimor për klanet dhe familjet mafioze në Shqipëri si dhe një dosje e rëndësishme korrupsioni që me gjasë do të vihet në lëvizje edhe nga organet e hetimit shumë shpejt!”
