Këngëtarja Ledina Çelo ka festuar dje ditëlindjen e saj të 40-të.
Me këtë rast ajo ka vendosur që bashkë me bashkëshortin dhe fëmijët të udhëtojnë drejt Maldives për të shijuar disa ditë pushimi, ndërsa ka marrë shumë urime të veçanta nga familjarët dhe rrethi shoqëror.
Një befasi e këndshme ishte rezervuar për këngëtaren në mëngjes, e cila me të hyrë në dhomën e gjumit ka parë se shtrati i saj ishte i zbukurar me lule, dhe një shkrim, në të cilin citoheshin vargjet: “Gëzuar ditëlindjen”.
Kjo surprizë kaq e bukur që me gjasë është përgatitur nga bashkëshorti i saj Naimi, e ka bërë të ndjehet më të lumtur se kurrë këngëtaren, e cila vendosi që këto imazhe t’i ndajë me fansat në rrjetin social Instagram.
Pranë kësaj befasie gjendeshin edhe një copë ëmbëlsirë bashk me një shampanjë, për të festuar si është më së miri ditën e saj të veçantë. /Telegrafi/
