Kjo foto është shkrepur pak minuta më parë në sallën e seancave plenare të Parlamentit të Shqipërisë. Deputetët e PD qendrojnë aty të palëkundur në vendimin e tyre për të mos lejuar përjashtimin e liderit të tyre Basha nga punimet e parlamentit si dhe për diskutuar mbi komisionin e reformës zgjedhore.
Të buzëqeshur dhe me dy gishtat lart! Kështu i shohin deputetet në këtë foto që është shkrepur në mesditë, pas vendimit të Ruçit për ta shtyrë seancën për në orën 18:00.
Tensioni në Parlament
Seanca nuk është mundur të zhvillohet gjatë paradites. Ajo u ndërpre 4 herë dhe tashmë është shtyrë për në orën 18:00.
Që në nisje të saj rreth orës 10:00 deputetët e PD kërkuan që Ruçi tu jepte fjalën për të diskutuar mbi pr/vendimin për ngritjen e Komisionit të Reformës Zgjedhore. PS e rrëzoi këtë kërkesë me argumentin se vendimi ka kaluar me konsensus në komisione. Edhe LSI ishte në një linjë me PS-në.
Sakaq lideri demokrat Basha pretendoi se po i mbyllej goja opozitës. Deputetët e PD rrethuan foltoren duke kërkuar me ngulm debat mbi këtë pr/vendim. Ruçi ndërpreu seancën dhe më pas përjashtoi Bashën nga punimet e Kuvendit me argumentin se ka uzurpuar foltoren.
Foltorja nuk u lirua deri në mesditë, ndaj seanca është shtyrë për pasdite.
