Granit Xhaka ka barazuar shifrat në 1-1 me një supergol ndaj Serbisë në minutën e 52-të.
E nuk mund të festonte ndryshe veçse duke bërë shenjën e shqiponjës në “Kaliningrad Stadium”
Në 45 minutat e para vendosi një gol i shënuar nga Mitroviç në minutën e pestë të ndeshjes.
Zvicra reagoi pas golit të parë, duke krijuar disa raste të mira për shënim, ku mund të veçohet një devijim i topit nga Dzemaili, i cili po shkonte në rrjetë, por në fund u prit nga portieri serb. Ndërkohë, me anë të kundërsulmit edhe Serbia është shfaqur rrezikshëm në disa raste për të shënuar edhe golin e dytë në këtë ndeshje.
Por duhet të vinte minuta e 52-të që Granit Xhaka të barazonte shifrat në 1-1. Këtë gol Xhaka e ka shijuar maksimalisht dhe pa hezituar ka bërë shenjën e shqiponjës./OPINION.AL
