Një oficere e policie në Argjentinë ka bërë vertet një veprim human, teksa ishte në detyrë. Menjëherë instikti i nënës është shfaqur tek ajo, kur ka parë një fëmijë që ishte paraqitur në spital për mjekin.
Celeste Ayala po punonte në spitalin e fëmijëve të Sor Maria Ludovica në Buenos Aires, kur foshnja u dërgua në spital duke qarë. Ajo i kërkoi leje mjekëve për ta mbajtur dhe ushqyer atë sepse fëmija ishte i uritur ndërsa stafi i spitalit gjendej i mbingarkuar me punë.
Pasi iu dha leja Ayala filloi të ushqente foshnjes, që ndaloi menjëherë së qari.
“Vura re se ishte i uritur sepse fuste dorën në gojën e tij, kështu që kërkova ta përqafoja dhe ta ushqeja”, tha policja për mediat lokale. Fotoja e saj e shkrepur në korridorin e spitalit po bën xhiron e rrjetit, dhe policja ka marrë falenderime e urime pafund nga njerëzit.
