TIRANE- John Kerry ka përshkuar në këmbë rrugën nga Kryeministria tek hotel Rogner, ku takoi liderin e opozitës, Lulzim Basha. Teksa ka ecur në këtë rrugë të shkurtër ai ka përshëndetur qytetarët e shumtë që kishin dalë në Bulevard për ta parë. Kerry ka shtrirë duart dhe ka marrë në krahë këtë fëmijë të vogël që gjendej aty me të atin.
Kerry e ka pyetur për emrin dhe moshën dhe në këtë rast “përkthyesin” e ka bërë Kryeministri Rama. Padyshim që ky është një moment i veçantë për këtë djalosh 5 vjeçar por edhe për familjen e tij. Ky moment është fiksuar në qindra shkrepje aparati.
Ka qenë vetë kryeministri që e ka postuar në Facebook duke e quajtur “Fotoja e ditës”.
