Kjo foto tregon më shumë se sa fjalët. Idhtarët e diktatorit Enver Hoxha nuk janë lejuar sot të vendosin kurora me lule tek Monumenti Nënë Shqipëri. Kanë qenë të rinjtë demokratë ata që kanë reaguar kundër simboleve komuniste.
Incidenti ndodhi kur një grup, kryesisht të moshuar u shfaqën me fotot e diktatorit Enver Hoxha dhe parrulla për lavdi, në tapetin e kuq, shtruar për ceremoninë shtetërore.
Mbështetës dhe simpatizantë të PD flakën fotot dhe kurorat e vendosura përpara monumentit Nënë Shqipëri. Ata thanë se është e papranueshme të brohoritet “Rroftë Enver Hoxha” në ditët e sotme.
