Tirana është sot në një situatë të pazakontë. Rreth 1 mijë policë kanë dalë në rrugë, ndërsa në gjykatë zhvillohet seanca për 23 të arrestuar, kuksianë që protestuan kundër taksës në Rrugën e Kombit. Familjarë, qytetarë dhe deputete të opozitës kanë qenë sot në mbështetje të tyre. Në orët e mëngjesit u shënua një incident në dyert e gjykatës, teksa deputetet u përleshen me policinë në tenativë për të ndjekur seancën ndaj protestuesve. Forca të shumta policie përfshirë ndërhyrjen e shpejtë ndodhen në gjykatë.
Më pas situata u zhbllokua pasi gjyqtarja lejoi pjesmarrjen e deputeteve në seancë, por sakaq është penguar media ta ndjekë seancën ndaj tyre.
Në rrugë ka shumë qytetarë që presin lirimin e protestuesve ndërsa tharrasin: Rama ik, duke e akuzuar se po instalon diktaturën në vend.
Por, ndërsa ndodhin këto zhvillime, Kryeministri i vendit Edi Rama, është fotografuar në një nga kafet në qendër të Tiranës me dy politikanë shumë të njohur në Kosovë, zv.kryeministrin njëherësh kryetar i NISMA, Fatmir Limaj dhe kryetarin e vetëvendosjes Albin Kurti.
Kujtojmë se edhe në Kosovë janë kundër taksës në Rrugën e Kombit. Madje biznesi atje është shprehur se është më i dëmtuari nga kjo taksë. Po kaq edhe ministri i Transporteve në Kosovë ka thënë se taksa e Rrugës së Kombit (për territorin e Shqipërisë) është tejet e lartë.
Nuk dihet nëse Limaj dhe Kurti po i kërkojnë pikërisht të njëjtën gjë Kryeministrit Edi Rama!
/Opinion.al
