Pas publikimit të lajmit se katër personat e arrestuar në Shkodër, kishin planifikuar të ndërmerrnin një atentat në stadiumin “Loro Boriçi” janë shtuar masat e sigurisë.
Ndërkohë që ndeshja është zhvendosur për në Elbasan, në stadiumin “Elbasan Arena”, opinion.al ka siguruar foto në të cilat duken forcat e policisë që kanë rrethuar nga të katërta anët hotel “Plaza” në qendër të kryeqytetit, vend në të cilin pritet të akomodohen lojtarët e kombëtares së Izraelit.
Më herët u njoftua se itinerari i kombëtares së Izraelit do të mbahet plotësisht i fshehtë, për shkak të masave të marra.
Shqipëri-Izrael pritet të zhvillohet më 12 nëntor në “Elbasan Arena” në orën 20:45/ opinion.al
