Një grup demokratësh protestuan sot ndaj Kryeministrit Edi Rama i cili po viziton qytetin e Elbasanit. Siç shihet edhe në pamjet më poshtë policia tentoi të bllokojë protestën dhe të mbledhë pankartat që mbanin në duar protestuesit. Më në fund një grup i vogël i tyre ia kanë dalë ti shpalosin pankartat kundër qeverisë dhe kryeministrit. Partia Demokratike në një reagim për mediat thotë se ky është akt i paprecedentë. “Protestuesit demokratë nuk janë tërhequr dhe e sigurt është se turi i Ramës në qarkun e Elbasanit sot nuk do të jetë i qetë”, deklaron zyra për mediat në PD.
