Si rrallëherë qytetarët protestuan masivisht dhe me forcë kundër një takse. Ndodhi sot në mesditë në Rrugën e Kombit, kur banorë të zonës dhe jo vetëm, por edhe të ardhur nga Kosova i vunë flakën traut të ngritur nga koncensionari për të mbledhur tarifën për rrugën.
I gjithë sistemi i ngritur për tarifimin e rrugës së Kombit u shkatërrua.
“Ne do të vazhdojmë, nuk kemi ku shkojmë më, ka shku thika në kockë”, shpreheshin banorët të revoltuar.
Rruga e Kombit aktualisht është e hapur, ndërsa taksa u hoq të paktën për një ditë. Zhvillimet e tjera varen nga qeveria, nëse ajo do të terhiqet dhe do të dëgjojë zërin e qytetareve.
Më poshtë foto të mbërritura në redaksinë e Opinion.al, pasditen e sotme. Pasi protesta përfundoi, shihni çfarë ka mbetur…
