Ajo ka qenë në qendër të vëmendjes që kur ishte fëmijë, në atë kohë vajza e një prej biznesmenëve më në zë të Amerikës, ndërsa sot ajo është vajza e presidentit të zgjedhur Donald Trump.
Por çfarë dimë për jetën e Ivanka Trumpit?
Pavarësisht polemikave që kanë pushtuar imazhin e saj, shumë miq dhe personazhe të famshëm flasin për inteligjencën dhe besnikërinë e saj.
Më poshtë, opinion.al ju sjell disa nga aspektet e jetës së saj. Që nga studimet, martesa e saj e deri tek plasi i saj si vajza e parë e SHBA.
FËMIJËRIA E SAJ
Ivanka Marie Trump është vajza e mesme e Donald dhe Ivana Trump, e lindur mes dy vëllezërve, Donald dhe Eric. Prindrit e saj u divorcuan kur ajo ishte nëntë vjeç, ndërsa i ati i saj u martuar edhe dy herë të tjera, duke shtuar dy anëtar të tjerë: gjysmë-motra Tiffany dhe gjysmë vëllai Barron.
EDUKIMI I SAJ
Ajo studioi në Manhattan, ndoqi shkollën “Chapin” dhe më pas u transferua të Choate Rosemary Hall në Konektika, një shkollë më konvikt e karakterizuar si “një burg”, në të njëjtën kohë që miqtë e saj po bënin qejf në New York.
Pas diplomimit ajo u regjistrua në Universitetin Georgetown para diplomimit nga Shkolla e Biznesit Wharton më një diplomë bachelori në ekonomi.
Ajo është një poliglote. Flet rrjedhshëm frëngjisht, gjithashtu zotëron mirë edhe gjuhën amtare të nënës, atë Çeke.
KARRIERA NË MODELING
Çdo brez ka modelet e saj të shquara dhe në vitet ’90, Trump ishte një fytyrë e njohur.
Ajo u shfaq në kopertinën e “Seventeen” në moshën 16 vjeçare. Më pas u rekrutua nga disa stilistë mode, si Versave, Tommy Hilfinger, etj.
KARRIERA E HERSHME
Në vitin 2005 ajo iu bashkua biznesit të familjes, kur ishte vetëm 23 vjeç. Ndërsa në vitin 2007 hodhi në treg linjën e saj të bizhuterive. Në atë kohë ajo është akuzuar nga stilistë të tjerë për plagjiaturë, duke u bërë madje edhe subjekt hetimi.
Si pjesë e Organizatës Trump, ajo punoi me të atin e saj në emisionin televiziv “Apprentice”, duke vepruar si gjyqtare.
MIQTË E FAMSHËM
Ivanka në fëmijëri ishte shoqe me Paris Hilton si dhe Chelsea Clinton, me të cilën e ka mbajtur marrëdhënien edhe sot, pavarësisht bindjeve të tyre politike në zgjedhjet presidenciale të vitit 2016.
NJOHJA ME BASHKËSHORTIN
Pas disa lidhjeve, Trump u njoh në vitin 2005 me Jared Kushner, një biznesmen në fushën e ndërtimit. Megjithatë ata u ndanë për pak kohë në vitin 2008, për shkak të kundërshtimeve nga ana e familjes së tij. Çifti u ribashkuan një vit më vonë kur dhe u martuan.
Ata kanë tre fëmijë, vajzën Arabella dhe djemtë Jozef e Theodore. Kunati i saj Joshua Kushner është në një lidhje me modelen Karlie Kloss që prej 2012-ës.
PËRPJEKJE TË TJERA
Trump ka shkruar dy libra motivues biznesi, një prej të cilëve pritet të publikohet gjatë këtij viti. I pari është lëshuar në vitin 2009 më titull “The Trump Card: Playing to Win in Work and Life” dhe do të pasohet nga “Women Who Work: Reëriting the Rules for Success”.
BESNIKËRIA POLITIKE
Edhe pse ajo ka mbështetur babain e saj në shumë mitingje dhe fjalime, madje ka folur në emër të tij edhe në Kuvendin Kombëtar Republikan, ajo ka refuzuar me vendosmëri të jap besën për një parti politike.
Gjatë fushatës presidenciale të babait, Trupm ka thënë për pikëpamjet e saj politike “Ashtu si shumë prej bashkëmoshatarëve të mi, nuk e konsideroj vetën kategorikisht republikane apo demokrate”.
Kujtojmë se ajo mbështeti fushatën e Hillary Clinton në vitin 2007 kundër Barack Obamës.
LËVIZJA NË UASHINGTON
Për interesat e kompanisë se tyre, dhe emërimit të burrit te saj Këshilltar i Lartë i Presidentit, Ivanka është shpërngulur në Uashington, duke parë rolin e saj të favorizohet ekipin drejtues./ opinion.al
