Kryeministri Edi Rama ishte sot në Vlorë ku mori pjesë në prezantimin e kandidatëve për deputetë për në zgjedhjet e 11 majit dhe bashkëbisedoi me turoperatorët turistikë për sezonin 2025.
Pas përfundimit të takimeve, Rama ka bërë të ditur se ka marrë një dhuratë nga vlonjatët, përkatësisht një buf.
“Kujt s’ia gjetën vlonjatët! Faleminderit për dhuratën”, shkruan Rama krah fotos me bufin.
Kujtojmë që Rama prej një periudhë të gjatë kohore etiketon me emrin “buf kënete” kreun e PD, Sali Berisha.
Shpeshherë ai bën deklarata kundër Berishës, duke e etikuar me nofkën “buf kënete”, për të cilin i ka bërë thirrje qytetarëve që të mos e votojnë më 11 maj.
