Ndeshja e futbollit e luajtur në stadiumunin “Selman Stërmasi” mes ministrave shqiptarë dhe përfaqësuesve të ambasadave, ka pasur një surprizë të veçantë.
Ambasadorja e Bashkimit Europian në Shqipëri, Romana Vlahutin ka zbritur në fushën e gjelbër. Vlahutin nuk është as pjesë e tribunës, e për më tepër të jetë pjesë e fushës.
Një ndeshje e tillë çlodhëse mes anëtarëve të qeverisë dhe ambasadorëve të huaj, me sa duket, kishte shumë nevojë për një pigment rozë.
E ndoshta për këtë arsye, për t’i dhënë ngjyra këtij spektakli, nuk mund të ndodhte ndryshe, të mos shihnim një sfilatë elegante të një zonje mes burrash.
Në këtë rast, a kemi të drejtë të pyesim: Se kujt po i sfilon ambasadorja Vlahutin? Pasi kjo ndeshje, la shijen se ishte organizuar më shumë për sfilatën e Vlahutin se sa për trupat e ngjallur të ministrave shqiptarë.
Prania e tifozeve femra në stadium në kohët e sotme është konsideruar si pjesa më e bukur dhe elegante e tifozërisë në çdo vend të botës, raste të tilla janë shumë të shpeshta dhe të shumta.
Mirëpo, prania e një femre ose një tifozeje në fushën e gjelbër, rrallë është parë në media. Ndoshta, kësaj radhe, patëm shansin të shohim rastin e parë.
