Bëhet fjalë për Jessy Hennesy, vajzën që prej disa javësh ka spikatur me talentin e saj në kërcim. Për dy ditë ajo është është larguar drejt Zvicrës, për të takuar dashurinë e saj më të madhe. Bashkë me vizitën ajo ka zbuluar edhe një sekret që nuk e kemi ditur. Jessy është nënë e një vajze 12-vjeçare.
“Ishte një emocion i madh më mungonte vendi im, vajza ime e vogël për të cilën më kishte marrë malli. Kisha një muaj që nuk e shihja dhe po çmendesha. Ka qenë e vështirë me punën që bëja të rrisja e vetme vajzën time, ta çoja në shkollë e ta edukoja”, ka treguar ajo. Megjithatë takimi me të bijën i kishte lënë shijen më të mirë. “U takova me vajzën, ajo më dha gjithë dashurinë dhe energjinë për t’u kthyerë fuqishëm në “Dance With Me”. Ajo është 12-vjeçe dhe është version im më i mirë”, ka thënë ajo, duke treguar foton e së bijës.
Deri tani, ne kemi parë vetëm anën shpërthyese të saj, atë me të cilën Jessy ka ndërtuar karrierën. “Anën tjetër shumë njerëz nuk e njohin, atë të qetë me vajzën time nuk e shohin. Ata shohin anën time shpërthyese që më mban me punë”. Ndërsa përsa i përket marrëdhënies që ka me ish-bashkëshortin, ajo ka treguar: “Ndonëse jemi ndarë, ne ruajmë një raport të mirë shoqëror”, ka thënë ajo, duke shtuar se në Shqipëri nuk ka ardhur as të gjejë të dashur as të krijojë lidhje.
Në këtë intervistë nuk mund të mungonte edhe pyetja për marrëdhënien e saj me reperin e njohur 50 Cent. “Nuk ka qenë një lidhje e mirëfilltë, por një marrëdhënie dashurie që nuk duhej të bëhej publike. Ne u takuam në festivalin e filmit në Kane. Lidhja jonë nuk vazhdoi sepse unë nuk dua të jem numri dy, vetëm numri një. Ndaj edhe lidhja me të nuk u bë serioze”.
Burimi: Class
