Një pamje(screenshot) e monedhës sovrane të Kinës është shfaqur në internet, duke ofruar një imazh të rrallë të zhvillimit të yuan-it dixhital.
Testimi i aplikacionit të monedhës në celular raportohet se është bërë gjatë disa muajve në bankat shtetërore të Kinës. Pamja e monedhës digjitale sovrane të shumëpritur në Kinë, ka filluar të qarkullojë në internetin kinez, duke hedhur spekulimet se Banka e Kinës është një hap më afër lançimit zyrtar.
Imazhi, i cili është shpërndarë gjerësisht në mediat sociale kineze, supozohet se është një version provë i një aplikacioni të zhvilluar nga Banka Bujqësore e Kinës, për një grup të vogël përdoruesish që të eksperimentojnë me monedha virtuale.
Instituti i Kërkimit të Valutave Digjitale- njësi e Bankës Popullore të Kinës (PBOC); që mbikëqyr zhvillimin e projektit, nuk pranoi të komentojë pamjet. Mendohet se ky imazh nuk është versioni përfundimtar i monedhës. As banka qendrore e Kinës, as Banka Bujqësore e Kinës nuk kanë lëshuar informacione rreth aplikacionit në celular.
Kina është ekonomia e parë e madhe që lançon monedhën e vet digjitale, e cila do të kontrollohet nga PBOC, në ndryshim nga bitcoin qe nuk kërkon administrim nga një autoritet qendror.
Testimi i monedhës sovrane digjitale po vazhdon prej disa muajsh, në bankat shtetërore të Kinës. Imazhi tregon se aplikacioni i monedhës digjitale ka disa funksione të ngjashme me platformat e tjera të pagesave nga interneti, siç janë Alipay nga Alibaba dhe ËeChat, duke lejuar përdoruesit të dërgojnë dhe marrin pagesa, si dhe transferojnë para.
Një funksion i quajtur “prekje dhe prekje” lejon dy njerëz që thjesht të prekin celularët e tyre, për të bërë një transfertë parash./ Opinion.al
